varla heill né hálfur dagur.....

Jæja pésar. Skot á skot ofan er aldrei jákvætt. Leggjum fishermans friend af á börum bæjarins. Merkilegt nokk að geta bæði talað of mikið og talað of litið. Ég leyni á mér í að haga mér einkennilega. Rosalega eru mánudagar skrítnir. Grár. Hálfur. Tómur. Leiðinlegur. Ósannfærandi sem dagur í vikunni. Ég eiginlega trúi varla að hann sé hérna yfirhöfuð. Hálsbólga í uppsiglingu örugglega vegna offara minna í hálstöfludrykknum. Næst þegar það er svona hálfmánudagur þá verður júlí. Hvað á það að þýða? Engin útilega fyrir minn pésa, heyrst hefur að vinir og vandamenn stefni á þórsmörk næstu helgi og þóttist ég aldeilis ætla að blanda mér í þann gleðskap en lítur út fyrir að vinnan muni tefja eða reyndar útiloka það fjör. Reykjavík verður þá að halda mér félagsskap.

Talandi um reykjavík er gerður sveitapési mætt i dag og æst í að sýna sig og sjá aðra á kaffhúsum borgarinnar. Enda engir álitlegir karlmenn á þjóðveldisbænum eða svo segir hún. Þrátt fyrir þreytu og mánudagsfúllyndi ætla ég að skella á mig gloss og taka varabatteríin í þetta. Koma svo. Vikan hlýtur að fara bestnandi.

full orðin eða orðin full

Ég meina það, það er skerí hvað ég var glöð í dag þegar ein kona þakkaði mér kærlega fyrir nákvæmar og viðamiklar upplýsingar um þvottavélar í dag. Hvort sem ég sagði eitthvað af viti eða tókst að láta líta út fyrir það þá er stoltið það sama. Já kæra fólk, lúmskur metnaður lætur skína í trínið undir hrúfu yfirborðinu sem er alveg sama hvað er selt eða hvernig. Hef staðfasta trú á vanhæfni minni sérstaklega því ég þoli ekki né kann að plata fólk og vill helst banna því að kaupa eitthvað sem mér líst ekki á. Shit eins gott að enginn af yfirmönnum rækist á þessa færslu. Jæja hvað um það.

Kannski var ég orðin full um helgina og talaði meira en góðu hófu gegnir einsog kemur fyrir á bestu bæjum en ég var samt full orðin í dag þegar ég spræk og hress, eða allavega sturtuð og blásin þótt ég næði hvorki að borða né greiða mér, tók á móti hinum almennilegasta miðaldra fasteignasala sem mætti með möppuna og skeggræddi íbúðina. Jújú allt í góðu gamni og fyrir þá sem vita hvar ég búa þá er hægt að finna myndir af íbúðinni á valhöll. Nema þið þekkið hana kannski ekki því engin hefur séð hana svona fína. Sé fram á að verða að stefna á að vera aldrei heima ef hún á að halda áfram að vera fín fyrir allt liðið sem gæti komið að skoða hehe. Já og ekki nóg með það heldur mætti mín með maskara á kaffi roma þar sem sötrað var cappocino og pöntunarlistar frá innlendum birgjum voru skeggræddir við samsstarfsfélaga.

Já geri aðrir betur fyrir klukkan ellevu á morgnanna. Æi shit. Kannski er fullt af fólki sem gerir fullt af hlutum fyrir ellevu ég er bara ekki ein af þeim.

Allt að gerast. Nú verð ég að vera löt í viku til að jafna mig.

Góðan daginn. Get ég aðstoðað. Endilega reyndu að leiða hjá þér að ég er reytt og rauðeygð og tæplega hressleikapési. Láttu ekki letja þig þótt ég andvarpi milli setninga þegar ég ræði kraftinn í siemens ryksugu eða einhverja helvítis snúninga í þvottavél.

Velkomin í sunnudag hjá vinnandi þynnkupésa. Sem samt er í ótrúlega flisslegu og jákvæðu skapi miðað við aðstæður. Gærkvöldið skondið og maraþon í gömlum draugum á kaffibarnum meðan aðrir tóku annarskonar maraþon hahaha. Já fyndið þegar fólk sem maður var næstum búin að gleyma minnir á sig aftur. Og ennþá fyndnara þegar ég bít það í mig að hreinskilni sé málið. Geri þetta alltaf öðru hverju þar sem ég held að heiminum sé betur farið ef ég segi einhverjum öðrum, helst karlkyns allt um það hvað mér finnst, hefur fundist eða gæti hafa fundist. Það breytir engu um það þótt ég hafi jafnoft gert mér grein fyrir því síðar að of mikil hreinskilni getur auðveldlega flækt frekar en einfaldað. Hún er kannski dálítið barnaleg þessi hugmynd, um að það hljóti að koma heiminum eða einhverjum vel að vita hvað einhverjum fanst um þá, jafnvel þótt það sé of seint....en það getur allavega ekki sakað.

Í öðrum fréttum skal bent á að varast skal ávallt að vera mjög reiður útí einhvern fyrir að hringja ekki, þegar kemur í ljós að sá hinn sami hafi fengið vitlaust símanúmer uppgefið hjá þér sjálfum. óvart. úps.

Barþjónnin á kaffibarnum á skilið medalíu fyrir undradrykkinn sem hann gaf mér auk prinspóló í boði hússins þegar ég var að rúlla saman úr magakrampa. Auðvitað allt gert til að halda fólki inni, í stað fyrir að segja farðu heim að sofa. Verkurinn hvarf þó einsog dögg fyrir sólu þegar ég rakst á einn ítala frá bologna, þekkti hann ekki strax þar sem dreddarnir hafa fengið að fjúka. Kjaftaði á mér hver tuska af gleði að geta talað ítölsku Og sveiflaði höndum dramatískt i stíl eða svo sagði gebba.

Magaverkurinn virkaði næstum því sem damsel in distress sena þar sem margir virtust boðnir og búnir að aðstoða mig og buðu fram ýmis ráð. Það gæti tengst sveittu stemmingunni sem myndast rétt fyrir lokun. Við gebba stungum af svitann og fórum beint í sveittann hamborgara í bitabílnum, kók og slefa í koddann út frá spjalli. Vaknaði hressari en löglegt er miðað við aldur og fyrri störf.

tvennan

Já í fyrsta skipti í áraraðir er einhver vísir af rútínu í gangi. Sem eftir þó nokkrar pælingar ég tel að sé alls ekki slæmt, kannski var það alltaf misskilningur að það hennti mér best að vita ekki hvað snýr upp eða niður á öllu heila klabbinu. Þrátt fyrir sorg í hjarta að hafa ekki enn útlandaferð að hlakka til þá er ég fullviss um að ég enda með að bæta úr því seinni part árs. Ég verð að fara hingað. Þá gæti ég aldeilis slegið tvær flugur í einu höggi. Risastór listasýning og Ítalía. Meira segja er Bologna bara næsti bær. Verst hvað það er margar flugur sem þarf að slá og fá högg í boði, eða þannig. Verð að fara og heimsækja ella minn, langar að heimsækja siggu í olsó og hitta norsku félagana frá ítalíu. Svo væri nú ekki verra að hafa ástæðu til að kíkja á niðurlönd hehe. Já og indland og sjálfboðavinnan, ameríka og roadtrippið, interrail og hvaðeina. Nóg af flugum.

Helgin var gríðarlega kröfuhörð, allt frá óvæntu bjórþambi með síðhærðum breta á auðar vegum sem er skrítinn en indæll og laugardags göngutúr og þunnum þrettánda en samt kringluferð með öllu tilheyrandi og maraþon innkaupum og tilbúningi fyrir afmælisveisluna miklu hjá gebbhildi , absint og bolla, trjáklifri í pilsi og dansiballi á hressó, sunnudegi með kaffihúsum, rétt sæmilegum morgunsprækleika í strætó, foreldragrilli og fjölskyldubíóferð. Enda var mánudagurinn frekar mikill mánudagur. Þakka fyrir að enginn sagði "looks like someone in having a case of the mondays" þá hefði ég slegið þá utanundir.

Það má færa rök fyrir hvoru sem er að helgin hafi verið liður í rútínu undanfarinna mánaða, eða brot á vinnurútínunni, en ljóst er að framundan er góð pása á slíku. Einsog mizzy sambýlingur segir þá er komið að smá framtaki í öðru en skemmtanabransanum. Sumarið skal fullnýtt.

Þrátt fyrir að hafa komið heim klifjuð af bókum af bókasafninu er ég ekki komin langt í lestrinum. Mikið hryllilega er samt gaman á bókasöfnum þegar maður verður ekki að vera þar sökum samviskubits.

Ég var að gera mér grein fyrir þeirri undarlegu staðreynd, að mig langar að vinna við að skipuleggja. Kannski af því ég vil stjórna hlutunum haha. Stjórnsemin hlýtur að nýtast einhverstaðar